جموں کشمیر حکومت سفارش کرتی ہے توزائرہ کو ہر ممکن سیکورٹی فراہم کی جا سکتی ہے : رجیجو

مرکزی وزیر داخلہ کرن رجیجو نے کہا ہے کہ اگر جموں کشمیر حکومت سفارش کرتی ہے تو دنگل فلم میں پہلوان گیتا پھوگٹ کا کردار ادا کرنے والی اداکارہ زائرہ وسیم کو مرکز کی جانب سے ہر ممکن سیکورٹی فراہم کی جا سکتی ہے۔مسٹر رجیجو کا یہ بیان ایسے وقت آیا ہے جب جموں کشمیر



کی وزیر اعلی محبوبہ مفتی سے ملاقات کے بعد سے زائرہ کو سوشل میڈیا میں جان سے مارنے کی کئی دھمکیاں ملی ہیں۔مسٹر رجیجو نے اس سلسلے میں آج صحافیوں کی جانب سے پوچھے گئے سوال کے جواب میں کہا کہ اگر جموں کشمیر حکومت کہے گی تو مرکز زائرہ کی سیکورٹی کا پورا انتظام کرے گا۔